Dj’avins ach’té in p’tit pouché, Dju l’avins hûtchi Dèsiré, Lu nan n’étout m’ si maû trouvé, C’étout mi qui allout l’hand’ler, Coumme i mèdjout ses trop r’chigner, Farènes, grûches è caboulé’s I-l è bintôt ètu el’vé     Not’ pouché Dju d’vint l’tuer pou la Toussét, Mais not’ boutchi ètout grippé, Dj’ans dû rawârder la Nowé, ...Quant-i-l è veû l’houmme au coûté, I-l è coummèci à wuikler, An arout dit in possédé, An d’vout l’oï jusqu’à Pancé,     Not’ pouché Quand d’ l’aran an l’è extirpé, I-l è chôhé l’gros Barnabé, Qu’avout v’nu bailli in côp d’mé, Èt quand not’ houmme s’è eû r’levé, I-l avout l’dûri tout plâtré, Sa culotte ètout dèchèrée, Èt s’fêssiêt tout mortifié. Pa sa feumm’, l’êtu engueûlé, Du tous les nans qu’ell’ l’è traité, Dju crois même, quelle est dit     pouché L’teps d’ça, l’boutchi, ses hésiter, Avout assoumé not’pouché, D’in côp d’mailloche, bin appliqué Èt vit’met, i l’ avout piqué, Des l’tupin, lu sang è coulé, V’là l’ boudin garanti pou diner, Avu d’la paille, an l’è flambé, Peûs bin lavé èt bin gratté, Su l’bîche an l’è tout dècopé,     Not’ pouché

Cervelle èt rougnans pou souper, Grillâdes ou dèpouille lu lend’mé, Garanti, an ètout boûrrés, Peûs l’saleu an è préparé, C’est là-d’dès qu’an è pu foûrrer, Les quate djambans, bin allignés, Lard, och’s du chine, bouquets d’mujé, D’échalotes, tout bin parfumé, Lauriêr, sé, poiv’ à volonté, Pou tout l’hiver, dju sans pârés Èt tout ça grâce à     Not’ pouché Après chij’ s’maînes an è r’tèré, Les djambans pou les fâres feumer, Pou l’lârd, c’ètout d’jè terminé, La saucisse ètout attaquée, Quant au resse, c’ètout liquidé, Pâtés d’tchâ, boudin, tète pressée, Èt djusqu’aux terrines du pâté, An avout bin rèveillonné, Pou ça an n’s’avout m’ rationné, En hivèr, an va s’règâler, Avu ç’qui resse du tchâ salée. Ça, ça deure longteps,      In pouché Dju v’nant d’rach’ter in p’tit pouché, Il ètout si rôse èt si bé, Quu dj’l’â co hûtchi Dèsiré C’est co mi qui vèrait l’hand’ler È i s’rait co vit’met èl’vé     Not’ pouché