Page 7 - Feux-d-holieres
P. 7
Nez-a tourtous
Hoummes du Tournai à Malmédy
Hoummes du Fram’ries èt Cârolos
Èt dgens d’Namur djusqu’à Tôrgnî,
Vous les Copêres, vous les Aclots,
Vous les Lîdjeûs, les Ardinois,
Vous les Gaumais, les Vèrvitois,
Nez-a tourtous, dj’vans fâre dansi
Tous les Molons èt les Rèlis,
L’Tchantchès, l’Doudou, les Blancs Moussis
Èt l’Djean d’Nivelle èt l’Djean d’Mâdy.
Qué belle dicâsse qu’an f’rout asseune.
Gn’è djè l’plétchi qu’est afrouyi.
An s’plârè bin peusqu’an s’russeune,
Qu’an sait bâyi pou s’fâre oï.
Hâye dan, mes dgens, nez-a tourtous...
Fini d’canîr, tchantans partout
Pou qu’an saviche qu’an s’voit vlètî
Èt qu’an s’rutchértche pou mieux s’counnète,
Qu’nôs vîs patois n’sant m’ co roublis,
Qu’gn’a-n è touplé qu’a-n ant co d’jette
Èt qu’ c’est l’hounneûr du note pays.
7
