Page 13 - Feux-d-holieres

L’huche à plat

I gn’è bel âdge qu’an cheût la voûye
Aveu tamét’ qui sant djè r’voûyes.
N’ faût m’ lanzinèr ni s’mèbailli,
Vouloir rucugn’tèr èt s’ruvèdgi :
L’tèps qu’an n’è co pou ène hapâye,
Faûrout tchoisi la grande ollâye.

An nous è dit qu’in djou an s’rutrouv’rout tourtous,
Qu’an nous d’mand’rout des cantes èt qu’an nous dèmèl’rout.
Pa d’dé l’grand boullieû, est-ce quu dj’les r’counnurans
Cés-là qu’dj’ans veû parti èt qui nous rattèdant?

F’rè bin qu’à note tou dju l’passinche, l’huche à plat,
L’huche qu’an n’rudouvé pus quand an l’lâye ruclapèr
Ca quand an z’est lu-méme d’l’aûte cotè du miroi,
An z’è bé bèrloquèr, an n’rutrouve mi l’clitchèt!

13