Page 15 - Feux-d-holieres
P. 15
Dj’â d’jette
Dj’â d’jette, mi, d’vèritè èt d’més frantches à sârrèr,
D’jette du coûteures a flache aveu du s’lo pa-d’zeûr,
D’voir des djones anouvrès à z-y mèch’nèr d’ l’aimeûr
Pou z’a r’champlèr la s’mèce aûssi lon qu’an pôrè.
Dj’â d’jette d’in coin aû coi aheûqui d’rî l’clotchî
Pou rètrèr dès mi-méme èt m’rutrouvèr tout nèt’,
Peûs martchi d’vant l’Ban Djeu a sounnant la clotchette
Pou fâre ploûyi l’muté coumme aû tèps des bèrdgîs.
Dj’à d’jette du voir des dgens, pourtant poûssis à tchu,
Sés r’nîr ni hourbalèr, quand ç’ s’rout pou des gros bûs,
Tous les crédôs d’èchoi qu’i rût’nint djè tout p’tits
Èt peûs, dj’pléde tous les aûtes qu’ant r’tônè la tchauvette ;
Dju m’ moque du leûs chornettes pace quu mi, dj’â co d’jette
D’ène lueûr qui clârtîe dès l’noir du ma neûtîe.
15
