Page 17 - Feux-d-holieres
P. 17
La louvette
D’la mâjan du d’dès l’tèps, dj’â r’trouvè dès l’guèrni,
A m’ mussant d’zous les vérnes pa d’dès les arantoiles,
Du tourèt la manture, èt d’sèran, la clègnie
Èt d’in houmme des aûtes côps, la louvette du grije toile.
Du qué èpaûle è-t-elle chapè èt tcheû d’in côp
Çute louvette dèlavâye èt cambin d’côps r’sètchie?
Est-ce pace quu l’houmme, hodè d’la trénè, avout s’saû,
Qu’i l’è lâyi in djou à in clô acrotchîe?
Elle a-n è mout viqui èt counnu des histoires
Qu’elle è du z-a wardèr pardjè touplé d’imâdjes,
Des portraits, des dijâyes èt des flaûves a z’avoir
Tamét’ fûillets raplis a r’mantant tous les âdjes.
Èt mi, dj’â rapougni la louvette du guèrni.
A z’a r’tônant les potches, dj’â ieû ma rècampanse
Ca dj’â r’trouvè dès l’fand des fûillets tout djaûnis :
Dj’ n’â ieû qu’à les r’copîr èt d’rètrè dès la danse.
17
